“Bayern”in və İngiltərə yığmasının hücumçusu Harri Keyn Münhenə gəlişindən sonra “Qızıl top”u qazana biləcəyinə inanır.
Arena.az bu barədə “Football Daily”yə istinadən məlumat verir:
“Bir çox insan qənimətlərdən və mənim bura nə üçün gəldiyimdən danışırlar. Ancaq ilk növbədə, mən bunu hər il titullar qazanmaq və Çempionlar Liqasında uzağa getmək zərurəti sayəsində təkmilləşmək və yeni çağırış almaq üçün etdim.
Kuboklar əldə etsək, UEFA Çempionlar Liqasını udsaq, gələn il Avropa Çempionatını qazansaq və eyni zamanda mən çoxlu qol vursam, o zaman “Qızıl top”u da almaq tamamilə mümkündür”, deyə Keyn ümidlə bildirib.
Yenicə başlamış cari mövsümdə Keyn “Bayern”in heyətində 2 oyuna çıxıb, 1 qol vurub, eyni sayda məhsuldar ötürmə verib.
Keyn üçün “Bayern”in heyətində debüt xoşagəlməz gözlənilməzliklə əlamətdar olub. Almaniyada cari futbol mövsümünün başlanması ilə əlamətdar olan superkubok uğrunda oyunda “Bayern” “Leypsiq”ə gözlənilmədən 0:3 hesabı ilə məğlub olub. Keyn əvəzləmə ilə oyuna daxil olsa da, komandasını məğlubiyyətdən qurtara bilməyib.
Xatırladaq ki, Harri Keyn “Bayern”ə cari yay transfer pəncərəsində 100 milyon avro müqabilində “Tottenhem”dən keçib.
