İtaliya Futbol Federasiyası Böyük Britaniyadan olan futbolçuların Avropa İttifaqı vətəndaşlarına bərabər tutulmasını xahiş edir.
Arena.az bu barədə jurnalist Canluka Di Marsionun rəsmi saytına istinadən məlumat verir.
Federasiya və A Seriyasının birgə müraciəti məsələ ilə məşğul olan İtaliya Milli Olimpiya Komitəsinə ünvanlanıb.
Britaniyalı futbolçuların Avropa İttifaqı pasportu olan futbolçularla eyniləşdirilməsi, onları A Seriyasında Avropa İttifaqından kənar ölkələri təmsil edən futbolçular üçün məhdudiyyətdən kənarda saxlamağa imkan verəcək. İsveçrədən olan futbolçular artıq İtaliyada Avropa İttifaqı pasportu olan futbolçularla bərabərləşdiriliblər.
Mövcud qaydalara görə, ərizəsində Avropa İttifaqı pasportu olmayan, daimi müqaviləsi olan ikidən çox futbolçuya sahib klublar, növbəti mövsümdə ikidən çox belə futbolçu ilə müqavilə imzalaya bilməzlər.
Eyni zamanda, bu futbolçulardan biri öz milli komandasının ən azı 5 oyununun iştirak ərizəsinə salınmalı və ya son bir il ərzində milli komandasının heyətində ən azı iki oyun keçirməlidir. İkinci futbolçu milli komandaya dair meyarlara cavab verməyə icbar deyil. Amma o da Avropa İttifaqı vətəndaşlığını tərk etməli və ya almalı olan əcnəbi oyunçulardan birinin yerinə daxil edilməlidir.
