Braziliya millisinin sabiq üzvü, “San Paulo”, “Roma” və “Milan”da çıxışları ilə məşhur Kafu İspaniya nəhəngi “Real” haqda söhbət açıb.
Arena.az “Marca” nəşrinə istinadən, Kafunun müvafiq qənaətini təqdim edir:
“Mənim, “Real” barəsində öncədən təşəkkül tapmış hər hansı yanlış rəyim yoxdur. Axı bu, “Real”dır. Hamının qorxduğu komanda, o komandakı ki, hər şeyi öz əlinə alır. Bəli, onlar Çempionlar Liqasından kənarlaşdırılıblar, amma buna görə rəqiblərin qorxusu puç olmayacaq. Bu, Madrid “Real”ıdır. Növbəti mövsümdə onlar tam güc-qüvvələri ilə oynayacaqlar, bu xüsusda heç bir şübhəniz olmasın”, deyə Kafu vurğulayıb.
Xatırladaq ki, “Real” Çempionlar Liqasının cari mövsümünün çərək finalında “Arsenal” tərəfindən ələnib (səfərdə 0:3; evdə 1:2).
Buna rəğmən, “qaymaqlılar” İspaniya Kral Kubokunun finalı çərçivəsində aprelin 26-da əzəli rəqibləri “Barsleona” ilə qarşılaşacaqlar.
İspaniya La Liqasında isə “Real” 32 oyundan 69 xalla 2-ci pillədən, 73 xala malik lider “Barselona”nı təqib edir.
