“Liverpul”un sabiq futbolçusu Ceymi Karrager argentinalı ulduz Lionel Messidən sosial mediada təhqiredici ismarış aldığı haqda danışıb.
Arena.az “Goal” dərgisinə istinadən Karragerin bu xüsusda fikirlərini diqqətinizə çatdırır:
“Mən sadəcə onun mənə dediyi sözü deyəcəyəm. Amma mən onu başa düşmürəm – “burro”. Bunun mənası nədir? Eşşək? Xub, təşəkkür edirəm”, deyə Karrager bildirib.
Xoşagəlməz hadisə Messi PSJ-də çıxış edərkən yaşanıb.
Karragerin sözlərinə görə, o, bu ismarışı PSJ-nin Çempionlar Liqasındakı uğursuzluqlarını tənqid etdikdən sonra alıb.
Xatırladaq ki, Messi 2021-2023-cü illərdə PSJ-də çıxış edib. Parislilərin heyətində argentinalı ulduz hücumçu 2 dəfə Fransa çempionatını (2021/2022, 2022/2023) və Fransa Super Kubokunu (2022) qazanıb. Messi Fransa nəhənginin heyətində Neymar və Mbappe kimi ulduzlarla birlikdə çıxış etdiyi müddətdə, PSJ-nin Çempionlar Liqasını qazanmaq yolunda cəhdləri uğursuzluğa düşar olub.
Cari ilin yay transfer pəncərəsində isə Messi PSJ-dən azad agent qismində ayrılaraq, MLS təmsilçisi “İnter Mayami” klubu ilə müddəti 2025-ci ilin dekabr ayının sonuna qədər qüvvdə olacaq müqavilə imzalayıb.
