Almaniyanın “Şalke” klubunun hücumçusu Keke Topp bundan sonra Bundesliqa təmsilçisi “Verder”in uğurları üçün çalışacaq.
Arena.az xəbər verir ki, bu barədə elita klubu rəsmi saytı vasitəsilə məlumat yayıb.
Bu transfer “Verder”ə 2 milyon avroya başa gəlib. Tərəflər arasındakı müqavilənin müddəti və digər detalları açıqlanmayıb.
Keke Topp elə “Verder”in yetirməsidir. O, 2021-ci ildə sözügedən klubdan azad agent kimi ayrılaraq “Şalke” ilə müqavilə bağlamışdı. 20 yaşlı hücumçu 2-ci Bundesliqa təmsilçisinin əsas komandasında 27 oyuna çıxıb, 5 qol və 2 məhsuldar ötürmə müəllifi olub.
Topp Almaniyanın U-16, U-19 və U-20 yığmalarında oynasa da, əsas millidə debüt şansı qazanmayıb.
“Transfermarkt” internet-portalı 20 yaşlı hücumçunun transfer dəyərini 3 milyon avro məbləğində qiymətləndirir.
