Bu gün futbol üzrə İspaniya çempionatında (La Liqa) 2023/2024 mövsümünün 17-ci turunun oyunlarına yekun vurulub.
Arena.az xəbər verir ki, sonuncu oyun günündə bir qarşılaşma baş tutub.
Turun qapanış matçında mövsümün sürpriz komandası “Jirona” doğma meydanda “Alaves”lə üz-üzə gəlib. Bu matçdan da qalib ayrılan Kataloniya təmsilçisi zirvədəki mövqeyini qoruyub.
La Liqada 17 tura 44 xal toplamış “Jirona” hazırda vahid liderdir. Madrid “Real”ı 42 xalla ikinci, “Barselona” 35 xalla üçüncüdür. Madrid “Atletiko”su 34, Bilbao “Atletik”i 32, “Real Sosyedad” 30, “Betis” 27, “Xetafe” və “Las Palmas” 25, “Valensiya” və “Rayo Valyekano” 20, “Osasuna” 19, “Alaves” və “Vilyarreal” 16, “Malyorka” 15, “Kadis” 14, “Sevilya” 13 xal toplayıb. Son üç pillədə qərarlaşmış komandalardan “Selta”nın 13, “Qranada”nın 8, “Almeriya”nın isə 5 xalı var. “Almeriya” bu mövsüm hətta qələbə də qazana bilməyib.
İspaniya, La Liqa
17-ci tur
15 dekabr
Osasuna – Rayo Valyekano 1:0
Qol: Raul, 90+5.
16 dekabr
Selta – Qranada 1:0
Qol: Larsen, 20.
Atletik – Atletiko 2:0
Qollar: Quruseta, 51. N.Uilyams, 64.
Sevilya – Xetafe 0:3
Qollar: Mayoral, 5-pen. Mata, 37. Qrinvud, 80.
Valensiya – Barselona 1:1
Qollar: Gillamon, 70 – Joao Feliks, 55.
17 dekabr
Almeriya – Malyorka 0:0
Real Sosyedad – Betis 0:0
Las Palmas – Kadis 1:1
Qollar: Pexino, 7 – Ramos, 83.
Real – Vilyarreal 4:1
Qollar: Bellingem, 25. Rodriqo, 37. B.Dias, 64. Modriç, 68 – Morales, 54.
18 dekabr
Jirona – Alaves 3:0
Qollar: Dovbik, 23; 59. Portu, 42.
