Bu gün futbol üzrə Fransa çempionatında (Liqa 1) 2024/2025-ci illər mövsümünün 28-ci turunun oyunlarına yekun vurulub.
Arena.az xəbər verir ki, sonuncu oyun günündə beş qarşılaşma baş tutub.
“Lans” doğma meydanda “Sent Etyen”ə tək qolla qalib gəlib. “Reyms” evdə “Strasburq”a, “Renn” də “Oser”ə minimal hesabla uduzub. “Monpelye” isə “Havr”la ev oyununda 2 cavabsız qola üzülüb. Beş qolun qeydə alındığı “Olimpik” (Marsel) – “Tuluza” matçı da meydan sahiblərinin çətin qələbəsiylə yekunlaşıb.
Beləliklə, 28 turdan sonra 74 xala malik olan və bu turda çempionluğu da təmin etmiş PSJ vahid liderdir. Marsel “Olimpik”i 52 xalla ikinci, “Monako” 50 xalla üçüncü pillədə qərarlaşıb. “Strasburq” 49, Lion “Olimpik”i 48, “Nitsa” və “Lill” 47, “Brest” 43, “Lans” 42, “Oser” 38, “Tuluza” 34, “Renn” 32, “Nant” 30 xal toplayıb.
Fransa, Liqa 1
28-ci tur
4 aprel
Nitsa – Nant 1:2
Qollar: Abdi, 14 – D.Auqusto, 11. Abline, 38.
5 aprel
PSJ – Anje 1:0
Qol: Due, 55.
Brest – Monako 2:1
Qollar: Kön, 42-öz qapısına. M.Kamara, 90+4 – D.Zakariya, 63-pen.
Olimpik (Lion) – Lill 2:1
Qollar: Lakazette, 38-pen. Şerki, 70 – Diakite, 1.
6 aprel
Lans – Sent Etyen 1:0
Qol: Koyalipu, 75.
Monpelye – Havr 0:2
Qollar: Kexta, 3. Ture, 33.
Reyms – Strasburq 0:1
Qol: Dukure, 4.
Renn – Oser 0:1
Qol: Jubal Junior, 89.
Olimpik (Marsel) – Tuluza 3:2
Qollar: Suazo, 21-öz qapısına. Qrinvud, 57. Rabyö, 64 – Maqri, 28. Syerro, 76.
