Futbol üzrə Fransa çempionatında (Liqa 1) 34-cü tura start verilib. Arena.az xəbər verir ki, ilk oyun günündə üç qarşılaşma baş tutub.
Lion “Olimpik”i doğma meydanda “Monpelye” ilə qarşılaşıb. Yeddi qolun qeydə alındığı bu oyunda meydan sahibləri darmadağına seviniblər.
“Monako” isə səfərdə “Sent-Etyen”lə qarşılaşıb. Knyazlıq təmsilçisi səfərdə böyükhesablı qələbə qazanıb.
Lider PSJ də bu gün meydana çıxıb. Paris təmsilçisi evdə “Lans”la qarşılaşıb. PSJ bu oyunda qələbəni son anda əldən verib. Amma xal itkisinə baxmayaraq, parislilər sona 4 tur qalmış çempionluğu rəsmiləşdiriblər. Maurisio Poçettinonun yetirmələri 34 turdan sonra 78 xal toplayıb. 62 xalla ikinci pillədə qərarlaşan Marsel “Olimpik”inin liderə çatmaq üçün riyazi şansı da qalmayıb.
Qeyd edək ki, bu, PSJ-nin tarixindəki 10-cu çempionluqdur. Poçettino isə tarixində ilk dəfə bir komanda ilə ölkə çempionu adını qazanıb.
Turun son matçında isə 2-ci pillədə qərarlaşan Marsel “Olimpik”i səfərdə “Reyms”lə üz-üzə gələcək.
Fransa Liqa 1
34-cü tur
23 aprel
Olimpik (Lion) – Monpelye 5:2
Qol: Dembele, 26. Mendes, 43. Auar, 63; 90+1. Ekambi, 68 – Vahi, 45+1. Savanye, 45+3.
Sent-Etyen – Monako 1:4
Qol: Xazri, 42-pen – Ben Yedder, 23. Volland, 25. Kolodzeyçak, 61-öz qapısına. Boadu, 77.
PSJ – Lans 1:1
Qol: Messi, 68 – Jan, 88.
24 aprel
15:00. Renn – Loryan
17:00. Klermon – Anje
17:00. Mets – Brest
17:00. Nant – Bordo
17:00. Nitsa – Trua
19:05. Lill – Strasburq
22:45. Reyms – Olimpik (Marsel)
