Futzal üzrə Azərbaycan milli komandasının üzvü Rafael Vilela karyerasını Belçika çempionu “Anderlext”də davam etdirəcək.
Arena.az xəbər verir ki, bu barədə “Anderlext”in mətbuat xidməti məlumat yayıb.
30 yaşlı hücumçu ilə 1 illik müqavilə imzalanıb. Rafael Vilela son mövsümü Rusiyanın “Tümen” komandasında keçirib.
Qeyd edək ki, “Anderlext”də Azərbaycan millisinin daha bir üzvü – Eduardo Borges də çıxış edir. Komanda mayda UEFA Çempionlar Liqasının “Dördlər finalı”nda iştirak edib. Növbəti dəfə Belçika çempionu olan “Anderlext” 2023/2024 mövsümündə də UEFA Çempionlar Liqasında Belçikanı təmsil edəcək.
