Bu yay “Neftçi”dən ayrılaraq Kiprin “Pafos” klubuna transfer olunmuş Murad Məmmədov yeni komandasının heyətində növbəti rəsmi oyununa çıxıb.
Arena.az xəbər verir ki, 20 yaşlı futbolçu Avropa Konfrans Liqasının 3-cü təsnifat mərhələsi çərçivəsində Avstriyanın “Zalsburq” komandasına qarşı keçirdikləri ilk oyunun iştirakçısı olub.
Azərbaycanlı vinger Avstriyada baş tutmuş bu matçın 80-ci dəqiqəsində Aleksandre Britunun əvəzinə meydana çıxıb. “Pafos” səfər görüşündə rəqibinə 0:1 hesabı ilə uduzub. Matçın yeganə qolunu 88-ci dəqiqədə Tabakoviç vurub.
Bu komandalar arasındakı cavab oyunu avqustun 13-də Limasol şəhərində keçiriləcək.
Xatırladaq ki, Murad Məmmədov bu yay qoşulduğu “Pafos”un heyətində hələlik 2 rəsmi matçda forma geyinib. Gənc futbolçu hələlik bu görüşlərdə məhsuldar fəaliyyəti ilə diqqət çəkməyib.
