İspaniyanın “Barselona” klubunun hücumeyilli yarımmüdafiəçisi Noa Darvix bundan sonra “Ştutqart”ın uğurları üçün çalışacaq.
Arena.az bu barədə Almaniya klubunun mətbuat xidmətinə istinadən xəbər verir.
18 yaşlı yarımmüdafiəçi “Ştutqart”la 4 illik (2029-cu ilin yayına kimi) müqavilə imzalayıb. Bundesliqa təmsilçisi bu transfer üçün Kataloniya klubuna 1 milyon avro ödəyib.
Noa Darvix Almaniyanın “Ayntraxt” (Frayburq) və “Frayburq” klublarının futbol akademiyasından keçib. O, 2023-cü ilin avqustundan “Barselona”nın sistemində çıxış edirdi. İspaniya nəhəngi həmin vaxt Darvixin keçidi üçün “Frayburq”a 2,5 milyon avro ödəmişdi.
Vaxtilə U-16, U-17 və U-18-də də forma geyinmiş Darvix hazırda Almaniyanın gənclər yığmasında çıxış edir. O, U-21-in kapitanıdır.
“Transfermarkt” internet-portalı 18 yaşlı müdafiəçinin transfer dəyərini 2 milyon avro məbləğində qiymətləndirir.
