“Milan”ın baş məşqçisi Stefano Pioli “rossoneri”nin çempionluq uğrunda mübarizədə perspektivləri ilə bağlı fikirlərini paylaşıb.
Arena.az “Football Italia” dərgisinə istinadən, italyan mütəxəssisin müvafiq xüsusda fikirlərini təqdim edir:
“Bizi qənimət uğrunda yarışa yazmayın. Diqqəti özümüzə yönəltməliyik, məqsəd bəllidir. Mövsümün ilk yarısını kifayət qədər yaxşı keçirdik və ikinci yarısında daha yaxşı çıxış etmək istəyirik. Düşünürəm ki, ilk dövrədə 39 xal o qədər də pis deyil, amma indi qaz pedalına basmaq lazımdır.
Yayda deyilənlərin hamısını nəzərə alsaq, hesab edirik ki, daha çox xal toplaya bilərdik. “Yuventus”, “Napoli”, “Udineze” və “Leççe” ilə oyunlarda xallar itirdik və o qədər də pis oynamasaq da, cəmi iki xal qazandıq. Ancaq nə ola biləcəyini düşünməyin mənası yoxdur. Bizdə hələ də A Seriyası və Avropa Liqası qalıb və biz bu yarışlarda öz sözümüzü deyə bilərik”, deyə Pioli əminliklə bildirib.
Hazırda “Milan” İtaliya A Seriyasının turnir cədvəlində 20 oyundan 42 xalla 3-cü yerdə qərarlaşıb. A Seriyasına 51 xalla “İnter” başçılıq edir.
