Bu gün futbol üzrə Azərbaycan çempionatında (Premyer Liqa) 2025/2026-cı illər mövsümünün 22-ci turuna yekun vurulacaq.
Arena.az xəbər verir ki, sonuncu oyun günündə də iki qarşılaşma baş tutacaq.
Öncə, “Turan Tovuz” Bakıda “İmişli” ilə üz-üzə gələcək. “Azersun Arena”da keçiriləcək oyunun baş hakimi Fərid Hacıyev olacaq. Tovuz təmsilçisi növbəti qələbəsini qazanmaqla liderlər qrupunda mövqeyini möhkəmləndirməyə çalışacaq.
Turun qapanış matçında isə son çempion “Qarabağ” lider “Sabah”ı qəbul edəcək. Tofiq Bəhramov adına Respublika Stadionunda keçiriləcək oyunu Tural Qurbanov idarə edəcək. Ağdam təmsilçisi bu görüşdə qələbə qazanmaqla liderlə arasındakı xal fərqini azaltmağa çalışacaq.
Xatırladaq ki, hazırda “Sabah” 52 xalla zirvədə qərarlaşıbsa, “Qarabağ” 45 xalla ikincidir.
Premyer Liqa
22-ci tur
27 fevral
“Kəpəz” – “Sumqayıt” 3:0
Qollar: Ryonosuke Ohori, 2. Luis Paçu, 18; 39-pen.
Hakimlər: Rəşad Əhmədov, Elşad Abdullayev, Gülnurə Əkbərzadə, Ruslan Quliyev.
VAR: Rəvan Həmzəzadə.
AVAR: Şirmamed Mamedov.
Hakim-inspektor: Ramil Diniyev.
AFFA nümayəndəsi: Rüfət Əmirov.
Yevlax şəhər stadionu, 14:30.
“Araz-Naxçıvan” – “Zirə” 0:1
Qol: Ayron Qomis, 67.
Hakimlər: Rauf Cabbarov, Akif Əmirəli, Zeynal Zeynalov, İslam Məmmədov.
VAR: Əliyar Ağayev.
AVAR: Teymur Teymurov.
Hakim-inspektor: Şahin Cəfərov.
AFFA nümayəndəsi: Namiq Əliyev.
“Dalğa Arena”, 18:00.
28 fevral
“Şamaxı” – “Neftçi” 2:2
Qollar: Sezar Enrike, 75. Karim Rossi, 90+4 – Vensan Abubakar, 60; 90+3.
Hakimlər: Kamranbəy Rəhimov, Eyyub İbrahimov, Kərim Zeynalov, İnqilab Məmmədov.
VAR: Cavid Cəlilov.
AVAR: Pərvin Talıbov.
Hakim-inspektor: Ceyhun Haşımov.
AFFA nümayəndəsi: Elgiz Abbasov.
Şamaxı şəhər stadionu, 14:30.
“Qəbələ” – “Karvan” 1:1
Qollar: Seydina Keyta, 36-pen – İmani Barker, 26.
Hakimlər: Kamal Umudlu, Vüsal Məmmədov, Mirnihat Seyidov, Rövşən Rəcəbov.
VAR: Vüqar Həsənli.
AVAR: Kamran Bayramov.
Hakim-inspektor: Orxan Məmmədov.
AFFA nümayəndəsi: Bəhram Qurbanov.
Qəbələ şəhər stadionu, 17:00.
1 mart
“Turan Tovuz” – “İmişli”
Hakimlər: Fərid Hacıyev, Namiq Hüseynov, Rəhman İmami, Alik Yunusov.
VAR: Əli Əliyev.
AVAR: Elvin Bayramov.
Hakim-inspektor: Ömər Paşayev.
AFFA nümayəndəsi: Anar Şixəliyev.
“Azersun Arena”, 16:30.
“Qarabağ” – “Sabah”
Hakimlər: Tural Qurbanov, Asiman Əzizli, Cəmil Quliyev, Əkbər Əhmədov.
VAR: Elçin Məsiyev.
AVAR: Müslüm Əliyev.
Hakim-inspektor: Munis Abdullayev.
AFFA nümayəndəsi: Emin Cəfərov.
Bakı. Tofiq Bəhramov adına Respublika Stadionu, 19:00.
