“Atalanta”nın italyan baş məşqçisi Can Pyero Qasperini həmkarı və həmyerlisi, “Real”ın çalışdırıcısı Karlo Ançelotti haqda danışıb.
Arena.az xatırladır ki, Ançelottinin “Real”ı UEFA Super Kuboku uğrunda oyunda Qasperinin “Atalanta”sı üzərində 2:0 hesablı qələbə qazanıb:
“Karlo ilə bir-birimizi çoxdan tanıyırıq. Biz mütəmadi olaraq bir-birimizin komandaları ilə görüşmüşük və böyük bir bağlılığımız var. Eyni zamanda biz qalib gəlmək istəyirdik, amma sonda “Real” kuboku qaldırmağa layiq idi. Bir müddət onlara işlərini bir az da çətinləşdirə bildik, amma sonra bundan yararlana bilmədik. Məsələn, finalın sonunda Karlo ilə ünsiyyətdə həmişə futboldan danışırıq”, deyə Qasperini bildirib.
Xatırladaq ki, “Real” tarixində 6-cı dəfə UEFA Super Kubokunun qalibi olub ki, bu da mütləq rekorddur.
