Bu gün futbol üzrə UEFA Çempionlar Liqasında yarımfinal mərhələsinə start verilib.
Arena.az xəbər verir ki, ilk oyun günündə bir görüş baş tutub.
Madrid “Real”ı İspaniyada İngiltərənin “Çelsi” klubu ilə münasibətlərinə aydınlıq gətirib. London təmsilçisi səfərdə erkən qolla hesabı açıb. Amma ispanlar buraxılan qolun əvəzini tez çıxıblar. Qalan dəqiqələrdə başqa qol qeydə alınmayıb və komandalar ilk oyundan bərabərliklə ayrılıblar.
Yarımfinalın digər oyunu sabah PSJ (Fransa) ilə “Mançester Siti” (İngiltərə) arasında baş tutacaq. Cavab qarşılaşmaları 4-5 mayda keçiriləcək.
UEFA Çempionlar Liqası
Yarımfinalın ilk oyunu
27 aprel
Real – Çelsi 1:1
Qol: Benzema, 29 – Pulişiç, 14.
Baş hakim: Denni Makkeli (Niderland).
Madrid. “Alfredo Di Stefano” stadionu.
Real: Tibo Kurtua, Rafael Varan, Eder Militao, Naço, Daniel Karvahal, Marselo, Toni Kroos, Kazemiro, Luka Modriç, Kərim Benzema, Vinisius Juniro.
Ehtiyat oyunçular: Andrey Lunin, Dieqo Altube, Alvaro Odriosola, Migel Qutyerres, Antonio Blanko, Serxio Arribas, İsko, Eden Azar, Marko Asensio, Mariano Dias, Rodriqo.
Çelsi: Eduard Mendi, Tyaqo Silva, Andreas Kristensen, Antonio Rudiger, Ben Çilluel, Sesar Aspilikueta, Nqolo Kante, Jorjinyo, Meyson Maunt, Kristian Pulişiç, Timo Verner.
Ehtiyat oyunçular: Kepa Arrisabalaqa, Villi Kabalyero, Markos Alonso, Kurt Zuma, Ris Ceyms, Emerson, Billi Gilmor, Hakim Ziyeş, Kallum Hadson-Odoi, Kay Haverts, Olivye Jiru, Temmi Abraham.
