Futbol üzrə Azərbaycan yığmasının hücumçusu Rüfət Dadaşov Almaniyanın “Şalke” klubunun ikinci komandasında növbəti matçına çıxıb. Arena.az xəbər verir ki, o, Almaniyanın Qərb Regional Liqasının 14-cü turu çərçivəsində baş tutan “Videnbruk”la matçın iştirakçısı olub.
“Şalke” bu rəqiblə doğma meydanda qarşılaşıb. Futbolçumuzun komandası iki qolun qeydə alındığı oyundan heç-heçə ilə ayrılıb – 1:1.
Rüfət Dadaşov bu görüşün 55-ci dəqiqəsində meydana buraxılıb. Cari mövsümdə 4 qol vurmuş millimizin forvardı bu oyunda fərqlənə bilməyib.
“Şalke”nin ikinci komandası bu nəticədən sonra 21 xalla 18 kollektiv arasında 6-cı pillədə qərarlaşıb.
