“Liverpul’un ingilis müdafiəçisi Trent Aleksander-Arnold klubun bazasına gedərkən yolda qəzadan qurtularaq ölümdən dönüb.
Arena.az bu barədə “The Sun” dərgisinə istinadən məlumat verir:
“Külək o qədər güclü idi ki, qəfildən yüksək gərginlikli elektrik ötürücü xətlərinin dirəyini yerindən qopardı. Bu, həqiqətən qorxuludur. Heç kimin zərər görməməsi möcüzədir. Kimisə şəksiz, öldürə bilər”, – nəşr mənbədən sitat gətirir.
Trent Aleksander-Arnold avtomobilində məşqə yollanarkən, külək yolda elektrik dirəyini qopararaq aşırıb. Qurma futbolçunun maşınının qarşısında hərəkət edən avtomobilin üzərinə düşüb. Müdafiəçi çevik tərpənişi nəticəsində toqquşmadan qaça bilib, ikinci sürücü də xəsarət almayıb.
Bundan əvvəl Britaniyanın meteoroloji xidməti yaxınlaşan “Babet” qasırğası səbəbindən ən yüksək, qırmızı həyəcan səviyyəsini elan etmişdi. Bunu, 2020-ci ilin fevral ayında “Dennis” fırtınasının ölkəni vurduğu vaxtdan bəri ilk dəfə elan ediblər. Sinoptiklər bəzən güclü küləklə müşayiət olunacaq leysan yağışları barədə xəbərdarlıq edirlər. Onların təxmininə görə, 100-150 millimetr yağıntı düşəcək, bəzi ərazilərdə yağıntının miqdarı 200-250 millimetrə çata bilər.
