Azərbaycanlı futbolçu Vüsal İsgəndərli Albaniyanın “Eqnatiya” komandasının heyətində növbəti oyununa çıxıb.
Arena.az xəbər verir ki, sözügedən komanda bu gün Albaniya çempionatının 3-cü turu çərçivəsində “Erzeni” ilə qarşılaşıb.
Doğma meydanda baş tutan qarşılaşma “Eqnatiya”nın 4:3 hesablı qələbəsi ilə başa çatıb.
Vüsal bu matça start heyətdə başlayıb və 70-ci dəqiqədə əvəzlənib. O, 34-cü dəqiqədə sarı vərəqə ilə də cəzalanıb.
“Eqnatiya” 3 turdan sonra 6 xalla 2-ci pillədə qərarlaşıb.
Xatırladaq ki, Vüsal İsgəndərli “Eqnatiya”ya bu yay “Sumqayıt”dan transfer olunub. 27 yaşlı futbolçu Albaniya klubu ilə 3 illik müqavilə bağlayıb. O, sözügedən komandada indiyə qədər 5 oyuna çıxıb, 1 qola imza atıb.
