Bu gün futbol üzrə İngiltərə Kubokunda 2024/2025-ci illər mövsümünün 1/8 final mərhələsinin oyunlarına yekun vurulub.
Arena.az xəbər verir ki, mərhələnin sonuncu oyun günündə bir qarşılaşma baş tutub.
Günün yeganə görüşü “Nottingem Forest”lə “İpsviç Taun” arasında baş tutub. Premyer Liqa təmsilçiləri bu matçın əsas vaxtında qalib müəyyənləşdirə bilməyiblər – 1:1. Əlavə vaxtda da hesab dəyişməz qaldığı üçün penaltilər seriyasına ehtiyac duyulub. 11 metrlik zərbələri daha dəqiq yerinə yetirmiş “meşəçilər” 1/4 finala vəsiqə qazanıblar.
Xatırladaq ki, daha öncə “Aston Villa”, “Kristal Pelas”, “Preston”, “Bornmut”, “Brayton”, “Mançester Siti” və “Fulhem” komandaları da 1/4 finala vəsiqə qazanmışdılar.
Beləliklə, İngiltərə Kubokunda yarımfinala vəsiqə uğrunda “Bornmut” “Mançester Siti” ilə, “Fulhem” “Kristal Pelas”la, “Preston” “Aston Villa” ilə, “Nottingem Forest” isə “Brayton”la üz-üzə gələcək. Bu mərhələnin oyunları martın 29-da keçiriləcək.
İngiltərə Kuboku
1/8 final
28 fevral
Aston Villa – Kardiff Siti 2:0
Qollar: Marko Asensio, 68; 80.
1 mart
Kristal Pelas – Milluol 3:1
Qollar: Tanqanqa, 33-öz qapısına. Munyos, 40. Nketia, 81 – Hardinq, 45+13.
Preston – Börnli 3:0
Qollar: Breydi, 31. Osmayiç, 44. Kin, 73.
Bornmut – Vulverhempton 1:1 (penaltilər 5:4)
Qollar: Evanilson, 30 – Kunya, 60.
Mançester Siti – Plimut 3:1
Qollar: O’Rayli, 45+1; 76. De Bruyne, 90 – Talovyerov, 38.
2 mart
Nyukasl – Brayton 1:2
Qollar: A.İsak, 22-pen – Minte, 44. Uelbek, 114.
Mançester Yunayted – Fulhem 1:1 (penaltilər 3:4)
Qollar: B.Fernandes, 71 – Bassi, 45+1.
3 mart
Nottingem Forest – İpsviç Taun 1:1 (penaltilər 5:4)
Qollar: Yates, 68 – Herst, 53.
1/4 final
“Bornmut” – “Mançester Siti”
“Fulhem” – “Kristal Pelas”
“Preston” – “Aston Villa”
“Brayton” – “Nottingem Forest”
