“Mançester Yunayted”in baş məşqçisi Ruben Amorim İngiltərə Premyer Liqasının 32-ci turunun “Nyukasl”la səfər oyununu (1:4) şərh edib.
Arena.az “Mançester Yunayted”in rəsmi saytına istinadən, portuqal mütəxəssisin müvafiq açıqlamasını təqdim edir:
“Biz həddindən çox səhvə yol verdik, rəqib isə bizdən daha yaxşı və güclü idi. İkinci hissənin əvvəlindəki ikinci qol bizi qüvvətlə çökdürdü, ardınca isə biz oyunun gedişində səhvlərə yol verməyə başladıq ki, bu da “Nyukasl”a qələbə qazanmağa kömək etdi.
Bu, komandanın işidir, ayrıca şəxslərin deyil. Biz bəzi oyunlarda çox səhvlər edirik, bu isə rəqibə inam bəxş edir, qapımıza qollar gətirir, bunun öhdəsindən gəlmək isə bizə çətin olur. Bizim ilk fürsətimiz vardı, biz bunu qola çevirə bilmədik, ardınca isə rəqibin fürsəti yarandı, onlar qol vurdular. Sonra isə onlar oyuna nəzarəti öz əllərinə aldılar. Biz cavab qolunu vurduq, ardınca isə ikinci hissədə biz əzab-əziyyət çəkməli olduq, bu komandamız üçün çətin idi və biz çoxlu səhvlərə yol verdik”, deyə Ruben Amorim vurğulayıb.
31 oyundan 56 xalla “Nyukasl” İngiltərə Premyer Liqasının yarış cədvəlinin 4-cü pilləsində qərarlaşıb. “Mançester Yunayted” isə 32 oyundan 38 xalla 14-cü pillədədir.
Premyer Liqaya 32 oyundan 76 xalla “Liverpul” başçılıq edir.
