Cənubi Azərbaycanın ən məşhur futbol komandası olan “Traktor” İran çempionatının 2025/2026-cı illər mövsümündə ilk matçına çıxıb.
Arena.az xəbər verir ki, Təbriz klubu yeni mövsümün 1-ci turu çərçivəsində “İstiqlal”la qarşılaşıb.
Xorvatiyalı Draqan Skoçiçin çalışdırdığı kollektiv bu rəqiblə doğma meydanda üz-üzə gəlib. “Traktorçular” 67-ci dəqiqədə buraxdıqları yeganə qol nəticəsində məğlubiyyətə üzülüblər.
Beləcə, ötən mövsümü tarixində ilk dəfə İran çempionu kimi başa vurmuş “Traktor” yeni mövsümə məğlubiyyətlə başlayıb. Təbriz klubu çempionatdakı növbəti matçını avqustun 26-da səfərdə “Mes Rafsancan”a qarşı keçirəcək.
