Ötən gün dünyanın yaşıl meydanlarında futbol üzrə milli komandalar səviyyəsində bir neçə yoxlama oyunu keçirilib.
Arena.az xəbər verir ki, maraqlı görüşlərdən biri Niderland və Özbəkistan yığmaları arasında keçirilib.
DÇ-2026-nın iştirakçıları olan bu komandaların görüşü Nyu-Yorkda baş tutub. Görüş dramatik sonluqla yekunlaşıb. Niderland yığması azlıqda qaldıqdan sonra 90+2-ci dəqiqədə qapısında qol görüb. Buna baxmayaraq, son saniyələrdə “narıncılar” qələbə qolunu vurmağa müvəffəq olublar.
Fransa yığması da DÇ-2026 öncəsi son yoxlama oyununu keçirib. Didye Deşamın komandası Şimali İrlandiya ilə üz-üzə gəlib. Maykl Olisenin het-triki fransızlara qələbə qazandırıb.
İspaniya millisi isə DÇ-2026 öncəsi yoxlama matçında Peru yığmasını məğlub edib. Meksikanın Puebla şəhərində keçirilmiş görüş ispanların 3:1 hesablı qələbəsi ilə başa çatıb.
Yoxlama oyunu
8 iyun
Şri Lanka – Butan 4:1
Niger – Mavritaniya 0:1
Niderland – Özbəkistan 2:1
Fransa – Şimali İrlandiya 3:1
İspaniya – Peru 3:1
