19 yaşadək futzalçılardan ibarət Azərbaycan millisinin (U-19) Avropa çempionatının (AÇ-2027) əsas mərhələsindəki rəqibləri bəlli olub.
Arena.az xəbər verir ki, bu gün 2027-ci ildə keçiriləcək Avropa çempionatının əsas mərhələsinin püşkü atılıb.
Tədbirdə Azərbaycan millisinin rəqibləri də müəyyənləşib. U-19 yığmamız 7-ci qrupda Ukrayna, Xorvatiya və Yunanıstan milli komandaları ilə mübarizə aparacaq.
Bu qrupun oyunları gələn il martın 30-dan aprelin 4-nə qədər Xorvatiyada keçiriləcək. Yalnız qrup qalibləri Qazaxıstanda təşkil olunacaq AÇ-2027-nin final mərhələsinə vəsiqə qazanacaqlar.
