“Arsenal” “Ayaks”ın holland müdafiəçisi Yurrien Timber və onun nümayəndələri ilə futbolçunun şəxsi müqaviləsinin şərtlərini razılşadırıb.
Arena.az bu barədə “De Telegraaf”a istinadən xəbər verir.
Mənbənin məlumatına görə, tərəflər 2028-ci ilə qədər müddətə müqavilə imzalayıblar. 22 yaşlı müdafiəçi ildə 8 milyon avro qazanacaq ki, bu da futbolçunun “Ayaks”dakı məvacibindən iki dəfə çoxdur. Hazırda klublar müdafiəçinin qiymətini də razılaşdırmaq üzrədirlər. “Arsenal”ın Timberə görə “Ayaks”a təxminən 40-45 milyon avro məbləğində ödəniş edəcəyi gözlənilir.
2022/2023 mövsümündə Timber “Ayaks”ın heyətində 47 oyuna çıxıb, 2 qol vurub və eyni sayda məhsuldar ötürmə edib. Timberin Amsterdam klubu ilə müqaviləsi 2025-ci ilin iyun ayının sonuna qədər qüvvədədir.
“Transfermarkt” internet portalı Yurrien Timberi 42 milyon avro məbləğində qiymətləndirir.
