17 yaşadək futbolçulardan ibarət Azərbaycan millisinin (U-17) Türkiyəyə təlim-məşq toplanışına yollanacaq heyəti açıqlanıb.
Arena.az xəbər verir ki, bu barədə AFFA-nın rəsmi saytı məlumat yayıb.
Millimizin sentyabrın 3-də start götürmüş Bakı toplanışı bu gün başa çatıb. İstanbul şəhərindəki təlim-məşq toplanışı isə sentyabrın 8-dən 13-nə qədər davam edəcək.
U-17 millimiz hazırlıq çərçivəsində sentyabrın 9-da və 12-də Türkiyənin müvafiq yaş qrupundan ibarət komandasına qarşı iki yoldaşlıq oyunu da keçirəcək.
Bakı toplanışından sonra yoldaşlıq oyunları üçün yekun heyət də müəyyənləşib. Baş məşqçi Füzuli Məmmədov ilk siyahıda 24 futbolçuya yer ayırmışdısa, İstanbula gedəcək heyətdə 22 oyunçuya yer verib.
Hazırlıq prosesinə dəvət olunmuş futbolçuların siyahısını diqqətinizə çatdırırıq:
1. Həbib Hüşənov – Qəbələ
2. Ayxan Əlizadə – Sabah
3. Məsud Əlişanlı – EFA
4. Səmid Əhmədov – Qəbələ
5. Məhəmməd İmamaliyev – Neftçi
6. Vüsal Paşayev – Sumqayıt
7. Nadir Orucov – Sumqayıt
8. Rəşad Alışov – Sabah
9. Tuncay Əhmədov – Sabah
10. Əkbər Məhərrəmov – Sabah
11. Ömər Kərimov – Qəbələ
12. İslam İsmayılzadə – Sabah
13. Əmir Əliyev – Sabah
14. Babamirzə Mehdiyev – Sabah
15. Anar Hüseynov – Sabah
16. Ziya Şəkərxanov – Qəbələ
17. Emin Feyzullayev – Sabah
18. Həsən Nəzərli – Ankaragücü (Türkiyə)
19. Hikmət Cəbrayılzadə – Qarabağ
20. Amid Qasımov – Qarabağ
21. Ümid Səlimov – Sabah
22. Röyal Fərzullazadə – Neftçi
