Bu gün futbol üzrə Almaniya çempionatında (Bundesliqa) 2023/2024 mövsümünün 7-ci turunun oyunlarına yekun vurulub.
Arena.az xəbər verir ki, sonuncu oyun günündə daha üç qarşılaşma baş tutub.
Lider “Bayer” doğma meydanda “Köln”ü, son çempion “Bayern” isə “Frayburq”u 3 cavabsız qolla məğlub edib. “Ayntraxt” da “Haydenhaym”ı 2 cavabsız qolla üstələyib.
Beləliklə, 7 turdan sonra 19 xala malik “Bayer” vahid liderdir. “Ştutqart” 18 xalla ikincidirsə, “Bayern” və Dortmund “Borussiya”sının 17, “Hoffenhaym”ın 15, “Leypsiq”in 14, “Volfsburq”un 12, “Ayntraxt” və “Frayburq”un 10, “Haydenhaym” və “Darmştadt”ın 7 xalı var. Mönhenqladbah “Borussiya”sı , “Union Berlin” və “Verder” 6, “Auqsburq” 5, “Bohum” 4, “Maynts” 2, sonuncu olan “Köln” isə 1 xal toplayıb.
Almaniya, Bundesliqa
7-ci tur
6 oktyabr
Borussiya (Mönhenqladbah) – Maynts 2:2
Qollar: Noyhaus, 22. Skalli, 88 – Qruda, 24. Barkok, 75.
7 oktyabr
Auqsburq – Darmştadt 1:2
Qollar: Demiroviç, 86 – Skarke, 52. Kempe, 70-pen.
Borussiya (Dortmund) – Union Berlin 4:2
Qollar: Füllkruq, 7. Şlotterbek, 49. Brandt, 54. Ryerson, 71 – Qosens, 9. Bonuççi, 31.
Leypsiq – Bohum 0:0
Ştutqart – Volfsburq 3:1
Qollar: Jirassi, 67-pen; 78; 82 – Gerhardt, 34.
Verder – Hoffenhaym 2:3
Qollar: Şmid, 17. Ştage, 90+1 – Beyer, 8. Promel, 29. Bulter, 90+2.
8 oktyabr
Bayer – Köln 3:0
Qollar: Hofman, 22. Frimponq, 32. Bonifase, 67.
Bayern – Frayburq 3:0
Qollar: Koman, 12; 85. Sane, 25.
Ayntraxt – Haydenhaym 2:0
Qollar: Larsson, 39. Knauff, 72.
