2024-cü ildə Almaniyada təşkil olunacaq Avropa çempionatının (AÇ-2024) seçmə qrup mərhələsində bu gün 7-cı tura start veriləcək.
Arena.az xəbər verir ki, ilk oyun günündə dörd qrup (A, D, E və İ qrupları) üzrə 8 qarşılaşma baş tutacaq.
Daha bir oyun – İsrail və İsveçrə yığmalarının oyunu isə təxirə salınıb. Bu qarşılaşma noyabrın 15-də keçiriləcək. Oyunun təxirə salınması İsrail və Fələstin arasındakı müharibə ilə bağlıdır.
A qrupunda İspaniya və Şotlandiya yığmalarının oyunu böyük maraqla gözlənilir. Xalsız olan qrup sonuncusu Kipr isə nəhayət bu turda Norveçi büdrətməyə çalışacaq.
D qrupunda Xorvatiya və Türkiyə yığmalarının liderlik uğrunda ölüm-dirim savaşına çıxması gözlənilir. Latviya yığması isə Ermənistanı qəbul edəcək.
E qrupunda Albaniya Çexiyanı, Farer adaları Polşanı sınağa çəkəcək.
İ qrupunda Andorra – Kosovo və Belarus – Rumıniya görüşləri baş tutacaq.
AÇ-2024-ün seçmə mərhələsi
Qrup mərhələsi, 7-ci tur
12 oktyabr
A qrupu
22:45. İspaniya – Şotlandiya
22:45. Kipr – Norveç
Xal: Şotlandiya – 15. İspaniya – 9. Norveç – 7. Gürcüstan – 4. Kipr – 0.
D qrupu
22:45. Xorvatiya – Türkiyə
20:00. Latviya – Ermənistan
Xal: Xorvatiya – 10. Türkiyə – 10. Ermənistan – 7. Uels – 7. Latviya – 0.
E qrupu
22:45. Albaniya – Çexiya
22:45. Farer adaları – Polşa
Xal: Albaniya – 10. Çexiya – 8. Moldova – 8. Polşa – 6. Farer adaları – 1.
İ qrupu
22:45. Andorra – Kosovo
22:45. Belarus – Rumıniya
Xal: İsveçrə – 14. Rumıniya – 12. İsrail – 11. Belarus – 4. Kosovo – 4. Andorra – 2.
