Minifutbol üzrə Azərbaycan millisi bu gün Birləşmiş Ərəb Əmirliklərində təşkil olunmuş dünya çempionatında (DÇ-2023) növbəti oyununa çıxacaq.
Arena.az xəbər verir ki, Elşad Quliyevin baş məşqçisi olduğu millimiz 1/8 final mərhələsi çərçivəsində Portuqaliya yığması ilə üz-üzə gələcək.
Qarşılaşmaya Bakı vaxtı ilə saat 18:30-da start veriləcək.
Xatırladaq ki, Azərbaycan millisi qrup mərhələsindəki oyunlarından maksimum nəticə ilə ayrılıb. Futbolçularımız İraqa 2:0, Misirə 4:1, Küveytə isə 3:1 hesabıyla qalib gəliblər.
DÇ-2023
1/8 final
1 noyabr
18:30. Azərbaycan – Portuqaliya
BƏƏ. Ras Əl-Xayma şəhəri.
