Qadın voleybolçular arasında Azərbaycan çempionatında (Yüksək Liqa) 2023/2024 mövsümünün növbəti oyunlarının vaxtı müəyyənləşib.
Arena.az xəbər verir ki, bu barədə Azərbaycan Voleybol Federasiyasının rəsmi saytı məlumat yayıb.
Yüksək Liqada 3-cü turun qarşılaşmaları noyabrın 28-də və 29-da baş tutacaq.
Noyabrın 28-də turun iki qarşılaşması keçiriləcək. Əvvəlcə “Milli Aviasiya Akademiyası” komandası “Abşeron”la üz-üzə gələcək. Görüş saat 15:00-da başlayacaq. Üç saat sonra isə “Gəncə” klubu UNEC-in qonağı olacaq.
Noyabrın 29-da isə turun son matçı “Azərreyl” və “Murov Az Terminal” komandaları arasında olacaq. Oyunun start fiti saat 15:00-da veriləcək.
Qeyd edək ki, hər üç oyun Bakıda Gənclər və İdman Nazirliyinin Voleybol Mərkəzində keçiriləcək.
Yüksək Liqa
3-cü tur
28 noyabr
15:00. “Milli Aviasiya Akademiyası” – “Abşeron”
18:00. UNEC – “Gəncə”
29 noyabr
15:00. “Azərreyl” – “Murov Az Terminal”
