Bu gün futbol üzrə Türkiyə çempionatında (Super Liqa) 2023/2024 mövsümünün 14-cü turunun oyunlarına yekun vurulub.
Arena.az xəbər verir ki, sonuncu oyun günündə bir qarşılaşma baş tutub.
“Fənərbaxça” doğma meydanda “Sivasspor”la üz-üzə gəlib. İstanbul təmsilçisi bu oyunda böyük hesabla qalib gəlib – 4:1.
Beləliklə, 14 turdan sonra “Fənərbaxça” 37 xalla zirvədə qərarlaşıbsa, eyni xala malik “Qalatasaray” ikincidir. 26 xalı olan “Beşiktaş” və “Kayserispor” isə üçüncü-dördüncü yeri paylaşırlar.
“Adana Dəmirspor” və “Trabzonspor” 23, “Kasımpaşa” ilə “Rizəspor” 21, “Antalyaspor” 20, “Hatayspor” 18, “Fatih Karagümrük”lə “Ankaragücü” 17, “Sivasspor”la “Qaziantep” 15, “Konyaspor” 14, “Pendikspor” 13, “Başakşəhər” 12, “Samsunspor” və “Alanyaspor” 11, “İstanbulspor” isə 8 xal toplayıb.
Türkiyə, Super Liqa
14-cü tur
1 dekabr
Hatayspor – Antalyaspor 3:3
Qollar: Strandberq, 19. K.Alıcı, 62. Kilama, 71 – E.Yeşilyurt, 35. Buksa, 57;88-pen
Fatih Karagümrük – İstanbulspor 3:0
Qollar: Yensen, 45-öz qapısına. Mendes, 49. C.Keleş, 53.
2 dekabr
Alanyaspor – Konyaspor 2:2
Qollar: Kordova, 28. Novais, 39-pen – Çikaldau, 32. Muriç, 52.
Rizəspor – Başakşəhər 3:2
Qollar: Olavoyin, 13; 90+2. Vareşanoviç, 17 – Pyontek, 6. Opoku, 45+2.
Adana Dəmirspor – Samsunspor 2:3
Qollar: Nyanq, 27-pen. Barasi, 70 – Ntçam, 35-pen. Holse, 45+4. Marius, 64.
Pendikspor – Qalatasaray 0:2
Qollar: Bakambu, 69. Ziyeş, 82.
3 dekabr
Kasımpaşa – Qaziantep 4:2
Qollar: A.Kara, 3. Ben Ounes, 16; 31. Fall, 82 – M.Eskihellaç, 52. Markoviç, 53.
Trabzobspor – Kayserispor 0:1
Qol: Bahoken, 88.
Ankaragücü – Beşiktaş 1:1
Qollar: Sou, 21 – Çemberleyn, 74.
4 dekabr
Fənərbaxça – Sivasspor 4:1
Qollar: Şimanski, 17. İ.C.Kahveci, 42. A.Okumuş, 68-öz qapısına. Dzeko, 75 – Manay, 50.
