Qadın futbolçulardan ibarət Azərbaycan millisinin Avropa çempionatının (AÇ-2025) seçmə mərhələsindəki rəqibləri müəyyənləşib.
Arena.az xəbər verir ki, püşkatma mərasimi bu gün İsveçrənin Nyon şəhərində keçirilib.
Yeni formatda təşkil ediləcək turnir 3 liqadan ibarət olacaq. A və B liqalarında 16, C liqasında isə 19 komanda çıxış edəcək.
Azərbaycan millisi B liqasında mübarizə aparacaq. Yığmamız püşkatma zamanı 4-cü – sonuncu səbətdə yer almışdı. Püşk nəticəsində yığmamız B Liqasının I qrupunda İsveçrə, Macarıstan və Türkiyə milli komandalarına rəqib olub.
Qeyd edək ki, AÇ-2025-in seçmə qrup oyunları aprel-iyul ayları aralığında keçiriləcək. Turnirin final mərhələsi 2025-ci ilin iyulunda İsveçrədə təşkil olunacaq.
