“Napoli”nin baş məşqçisi Françesko Kaltsona ÇL-in 1/8 finalının cavab oyununda səfərdə “Barselona”ya məğlubiyyətini (1:3) şərh edib.
Arena.az xatırladır ki, hər iki oyunun nəticəsinə görə, “Napoli” ümumi hesabda (ilk oyun: 1:1) 2:4 hesabı ilə məğlub olaraq, Çempionlar Liqasında mübarizəsinə xitam verib.
“Barselona”ya həddən ziyadə icazə verdik. Bu, bizim təqsirimizdir, çünki topu çox itirirdik. Geniş oynadıq və qapımız qarşısındakı imkanları dayandırmaq üçün müdafiədə az işlədik. Müvafiq rəqiblərlə bunu ödəyə bilməzsiniz. Sadə vəziyyətlərdə çoxlu səhvlər edib, topu itirməklə oyunu uduzduq. Belə oyunları uduzduqda nəyinsə işləmədiyi aydın olur. Təəssüf edirəm ki, rəqibə çoxlu imknalar yaratmağa imkan verməməli olduğumuzu bilirdik, amma buna rəğmən, bunu etdik. Ümumiyyətlə, bu, enişli-yoxuşlu oyun idi, çünki yaxşı fəaliyyət göstərdiyimiz məqamlar oldu”, – Kaltsona matçdan sonra jurnalistlərə açıqlamasında bildirib.
