“Arsenal”ın baş məşqçisi Mikel Arteta və “Mançester Siti”nin çalışdırıcısı Xosep Qvardiola super kubok matçını şərh ediblər.
Arena.az xəbər verir ki, ötən gün baş tutan oyunda əsas vaxt 1:1 başa çatıb.
Penaltilərlə 4:1 qalib gələn “Arsenal” 17-ci dəfə super kubokun qalibi olub.
“Arsenal”ın baş məşqçisi Mikel Arteta komandasının zəfəri ilə bağlı bunları söyləyib:
“Bu, gözəl duyğudur. Düşünmürəm ki, nə isə “Uembli”də dünyanın ən yaxşı komandasına qarşı oyunda kuboku qazanmaqdan və bunu bizim etdiyimiz kimi etməkdən daha yaxşı ola bilər. Bu, həqiqətən ruhlandırır, düşünürəm ki, oyunda bir neçə əla məqamımız vardı, xüsusən də birinci hissədə üç əla şansımız oldu, amma təəssüf ki, onları gerçəkləşdirmədiyiniz zaman siz nələrin baş verə biləcəyini bilirsiniz. Meydannın mərkəzində kiçik səhvimiz oldu və topu vurub çıxara bilmədik, növbəti saniyədə isə top qapımızda idi, oynamaq isə çox çətin idi. Dəyişikliklər kömək etdi və biz bir qədər inamı və nəbzi saxladıq, bu da bizə qol vurmağa və penaltilərlə oyunu qazanmağa imkan verdi”, deyə Arteta bildirib.
Xosep Qvardiola isə bu oyunla bağlı aşağıdakı fikirləri dilə gətirib:
“Biz inanılmaz gərgin mövsümü başa vurduq, futbolçular yığma komandalara yollandılar və hətta bəlkə də üç həftə dincəlmədilər. Toplaşdıq, Mançesterdə bir qədər məşq etdik, sonra Asiyaya uçduq, orada məşq etmək mümkün deyil. “Bayern”lə yaxşı oynadıq, həmçinin daha iki sınaq oyunu keçirdik.
Bu yaxınlarda qayıtdıqlarını nəzərə alsaq, oyunçular çox yaxşı idilər. Uşaqların hələ də işə hazır olduğunu gördüm, ona görə də burada şikayətlənəcək heç nə yoxdur. Psixoloji cəhətdən artırmaq və birgə qələbələrdən sonra daha da yaxşı oynaya biləcəyimizə qadir olduğumuzu başa düşmək – məqsədimiz budur”, deyə Qvardiola vurğulayıb.
Xatırladaq ki, “topçular” oyunu dramatik surətdə qazanıblar. Oyunun əsas vaxtına əlavə edilmiş sonuncu – 11-ci dəqiqədə bərabərlik qolunu vurmuş “Arsenal”, mübarizəni penaltilərə daşıyaraq burada “şəhərlilər”i peşman yola salıb.
“Topçular” tarixində 17-ci super kuboku qazanıblar. Bu göstəricidə “Arsenal”ı ancaq 21 super kubok qazanmış “Mançester Yunayted” üstələyir.
