Bu gün futbol üzrə Avropa Konfrans Liqasında 1/8 final mərhələsinin ilk oyunları keçirilib. Arena.az xəbər verir ki, bütün görüşlər eyni gündə baş tutub.
“Qarabağ”ı mübarizədən kənarlaşdıran Marsel “Olimpik”i Ağdam klubunun qrupdakı rəqiblərindən olan “Bazel”lə üz-üzə gəlib. Üç qolun qeydə alındığı bu matç meydan sahiblərinin qələbəsiylə yekunlaşıb.
Turnirin qalibi adına əsas favoritlərdən sayılan Joze Mourinyonun rəhbərlik etdiyi “Roma” “Vitess”in qonağı olub. Romalılar səfərdə minimal hesabla üstün olublar.
Mövsümün sürpriz komandalarından sayılan “Bude Qlimt” “Alkmaar”la qarşılaşıb. Norveç təmsilçisi avrokuboklarda ardıcıl 8-ci ev oyununu da qələbə ilə başa vurub.
Məhsuldar alınan “Partizan” – “Feyenoord” matçında qonaqlar darmadağına seviniblər. 8 qolun qeydə alındığı PSV – “Kopenhagen” matçında isə qalib müəyyənləşməyib.
“Lester Siti” – “Renn” qarşılaşmasında İngiltərə təmsilçisi qələbəni bayram edib. PAOK “Gent”i minimal hesabla üstələyib. “Slaviya” isə Praqada LASK üzərində darmadağına sevinib.
Avropa Konfrans Liqasında 1/8 finalın cavab görüşləri martın 17-də təşkil olunacaq.
Avropa Konfrans Liqası
1/8 finalın ilk oyunları
10 mart
PAOK (Yunanıstan) – Gent (Belçika) 1:0
Qol: Kurtiç, 58.
Vitess (Niderland) – Roma (İtaliya) 0:1
Qol: S.Oliveyra, 45+1.
Partizan (Serbiya) – Feyenoord (Niderland) 2:5
Qol: Natço, 13. Yoviç, 46 – Toornstra, 20; 77. Dessers, 52. Gertulda, 64. Sinisterra, 71.
Slaviya (Praqa, Çexiya) – LASK (Avstriya) 4:1
Qol: Sor, 3; 29. Olayinka, 83. Traore, 85 – Baliç, 67.
PSV (Niderland) – Kopenhagen (Danimarka) 4:4
Qol: Qakpo, 21; 70. Doan, 50. Zahavi, 85 – Yohannesson, 6. Biel, 23; 78. Lerager, 43.
Bude Qlimt (Norveç) – Alkmaar (Niderland) 2:1
Qol: Pelleqrino, 39. Solbakken, 90+1-pen – Abuxlal, 73.
Lester Siti (İngiltərə) – Renn (Fransa) 2:0
Qol: Olbrayton, 30. İheanaço, 90+3.
Olimpik (Marsel, Fransa) – Bazel (İsveçrə) 2:1
Qol: A.Milik, 19-pen; 68 – Espozito, 79.
