Məlum olduğu kimi, “Çelsi” Konfrans Liqasının final oyununda “Betis” üzərində 4:1 hesablı əzmkar qələbə qazaraq, qənimətə sahib olub.
Arena.az məlumat verir ki, müvafiq qalibiyyəti sayəsində İngiltərə klubu avrokuboklar tarixində bir ilkə imza atıb.
Belə ki, London təmsilçisi hər dörd avrokubok yarışında – UEFA Çempionlar Liqası, Avropa Liqası, Konfrans Liqası və UEFA Super Kubokunda zəfər əldə etməyə müvəffəq olmuş ilk klub olub.
“Zadəganlar” 2012-ci və 2021-ci illərdə Çempionlar Liqasını, 2013-cü və 2019-cu illərdə isə Avropa Liqasını qazanıblar. UEFA Super Kubokunda isə bu komanda 1998-ci və 2021-ci illərdə iki zəfər əldə edib. Həmçinin klubun qənimətlər muzeyində artıq mövcud olmayan Kuboklar Kubokunda 1971-ci və 1998-ci illərdə iki qalibiyyət var.
Beynəlxalq miqyasda “Çelsi” həmçinin 2021-ci ildə FIFA Klub Dünya Kubokunu qazanıb.
