“Mançester Yunayted”in baş məşqçisi Erik ten Haq İngiltərə Premyer Liqasının 1-ci turunda “Fulhem”lə ev oyununu (1:0) şərh edib.
Arena.az BBC-yə istinadən, niderlandlı mütəxəssisin bu barədə fikrini təqdim edir:
“Fulhem”ə qarşı oynamaq həmişə çətindir, amma biz çox yaxşı təpki göstərdik və onları təzyiq altında saxladıq. Çoxlu qol imkanları yaratdıq, qolu isə erkən vurmalı idik. Komandadan yeganə şikayətim odur ki, işi daha tez bitirə bilərdik.
Sabit müdafiə dördlüyümüz olduqda, yüksək xəttlə ağıllı surətdə müdafiə olunuruq, yarımmüdafiəçi və cinah oyunçuları isə irəliyə doğru irəliləyə bilirlər. Amma müdafiədə sabitlik yoxdursa, o zaman fəsadlar ortaya çıxır”, deyə Erik ten Haq açıqlayıb.
Xatırladaq ki, komandalar arasında keçirilmiş bu oyun İngiltərə Premyer Liqasının 2024/2025-ci illər mövsümünün açılış oyunu kimi əlamətdar olub.
1-ci turdan sonra “Mançester Yunayted” yarış cədvəlinin zirvəsində, xalsız “Fulhem” isə sonuncu, 20-ci pilləsində qərarlaşıb.
