Azərbaycanlı FIFA referisi Hikmət Qafarlı futzal üzrə Avropa çempionatının (AÇ) final mərhələsi çərçivəsində növbəti təyinatını alıb.
Arena.az xəbər verir ki, bu barədə Azərbaycan Futzal Federasiyasının mətbuat xidməti məlumat yayıb.
Həmyerlimiz B qrupunda keçiriləcək Ukrayna – Litva qarşılaşmasının birinci hakimi olacaq. Ona İngiltərədən Peter Nurs və İtaliyadan Çiara Perona kömək edəcəklər. Görüş yanvarın 25-də Kaunasdakı 17 500 azarkeş tutumuna malik “Jalgiris Arena”da baş tutacaq. Qarşılaşmaya saat 19:00-da start veriləcək.
Xatırladaq ki, Hikmət Qafarlı bu AÇ-də ilk təyinatı yanvarın 22-də həmin arenada keçirilmiş Ermənistan – Ukrayna görüşünə almışdı. Həmin matçda timekeeper funksiyasını yerinə yetirmiş referi bu dəfə final mərhələsində ilk dəfə meydanda əsas hakim kimi debüt edəcək.
