Futbol üzrə Azərbaycan millisinin hücumçusu Mahir Emreli Türkiyə Super Liqasında mübarizə aparan “Konyaspor”da növbəti matçına çıxıb. Arena.az xəbər verir ki, sözügedən kollektiv bu gün Super Liqanın 32-ci turu çərçivəsində “Trabzonspor” ilə qarşılaşıb.
Futbolçumuzun komandası bu rəqiblə doğma meydanda qarşılaşıb. Üç qolun qeydə alındığı qarşılaşma “Konyaspor”un əzmkar qələbəsi ilə başa çatıb – 2:1.
Mahir Emreli bu görüşün 46-cı dəqiqəsində meydana buraxılıb. Konya təmsilçisində bir qol vurmuş millimizin hücumçusu bu dəfə fərqlənə bilməyib. Əvəzində o, 71-ci dəqiqədə sarı vərəqə almaqla diqqət mərkəzinə düşüb.
Bu nəticədən sonra “Konyaspor” Super Liqada 19 iştirakçı arasında 45 xalla 6-cı pillədə qərarlaşıb. “Trabzonspor” da eyni xalla 7-cidir.
