“Real” rəhbərliyi “qaymaqlılar”ın 21 yaşlı ispan mərkəz hücumçusu Qonsalo Qarsiya ilə müqaviləsinin müddətini uzadıb.
Arena.az bu barədə “Real”ın mətbuat xidmətinə istinadən məlumat verir.
Yenilənmiş müqavilənin müddəti 2030-cu ilin iyun ayının sonuna qədər qüvvədə olacaq.
Yeni müqavilə futbolçu müqabilində nəzərdə tutulmuş sərbəstqalma haqqını 1 milyard avro məbləğində müəyyənləşdirib.
Qonsalo Qarsiya “Real”ın məzunudur.
Geridə qalmış mövsümdə Qarsiya “qaymaqlılar” üçün 10 oyuna çıxıb, 5 qol və 2 məhsuldar ötürmə ilə fərqlənib.
Qonsalo İspaniyanın U-18 və U-19 komandalarına cəlb edilib, əsas yığmaya isə çağırış hələ almayıb.
“Transfermarkt” internet-portalı 21 yaşlı ispan mərkəz hücumçusunun transfer dəyərini 8 milyon avro məbləğində qiymətləndirir.
