Futbol üzrə Azərbaycan millisinin hücumçusu Renat Dadaşov Türkiyənin “Hatayspor” komandasında debüt matçına çıxıb.
Arena.az xəbər verir ki, futbolçumuzun yeni komandası bu gün Türkiyə Super Liqasının 5-ci turu çərçivəsində “Fatih Karagümrük”lə qarşılaşıb.
“Hatayspor” bu rəqiblə səfərdə üz-üzə gəlib. Tərəflər meydanı qolsuz tərk ediblər – 0:0.
Renat bu görüşün 63-cü dəqiqəsində meydana buraxılıb. Bu, onun həm Hatay klubunda, həm də Türkiyə Super Liqasında debüt matçı olub.
Türkiyə yığmasının sabiq qapıçısı Volkan Dəmirəlin çalışdırdığı “Hatayspor” 5 turdan sonra 7 xalla 20 kollektiv arasında 8-ci pillədə qərarlaşıb.
Xatırladaq ki, Renat Dadaşov müqavilə ilə 2022-ci ilin iyul ayından formasını geyindiyi İsveçrənin “Qrasshopper” klubuna məxsusdur. Türkiyə klubu onu bu mövsümün sonuna kimi satınalma şərti ilə icarəyə götürüb.
