İngiltərə Premyer Liqasına vəsiqə uğrunda Çempionşip təmsilçiləri “Şeffild Yunayted” və “Sanderlend”in qarşılaşdığı ələmə oyunu başa çatıb.
Arena.az məlumat verir ki, Londonun “Uembli” stadionunda keçirilmiş dramatik oyun “qara pişiklər”in “tiyələr” üzərində 2:1 hesablı əzmkar qələbəsi ilə yekunlarışıb.
Oyunda hesabı “Şeffild Yunayted” açıb – 25-ci dəqiqədə Tayriz Kempbell fərqlənib. Fasilədən sonra, 76-cı dəqiqədə Eliezer Mayenda bərabərlik qolunu vurub. 90+5-ci dəqiqədə isə “qara pişiklər” qələbə qolunu vuraraq, azarkeşlərini sevincə qərq ediblər.
Əlavə edək ki, “Şeffild Yunayted” sonuncu dəfə İngiltərə Premyer Liqasında 2023/2024-cü illər mövsümündə oynayıb. “Sanderlend” isə 2016/2017-ci illər mövsümündən Premyer Liqaya həsrət idi.
Cari mövsümün yekunlarına əsasən, daha əvvəl Premyer Liqaya “Lids Yunayted” və “Börnli” vəsiqə qazanıblar.
