Futbol üzrə İsveçrə millisinin baş məşqçisi Vladimir Petkoviç AÇ-2020-nin qrup mərhələsi çərçivəsində Uels yığmasına qarşı keçirdikləri oyunu şərh edib. Arena.az xəbər verir ki, o, Bakıda baş tutan və 1:1 hesabıyla başa çatan matçdan sonra keçirilmiş mətbuat konfransında bunları söyləyib:
“Bu matçda qalib gəlmək istəyirdik. Ancaq görüş heç-heçə başa çatdı. Hesabı açsaq da, bunun davamını gətirə, şanslardan istifadə edə bilmədik. Rəqib daha çox riks edirdi. Uels yığması çox keyfiyyətli komandadır. Avropa çempionatında zəif rəqib yoxdur. Növbəti matçlarda daha çox xal qazanmağa çalışmalıyıq. Artıq İtaliyaya qarşı növbəti oyunumuzu gözləyirik. Rəqibdən qorxmamalıyıq. Bu, tamamilə fərqli qarşılaşma olacaq”.
