Azərbaycanlı futbolçu Vüsal İsgəndərli Albaniyanın “Eqnatiya” komandasının heyətində növbəti oyununa çıxıb.
Arena.az xəbər verir ki, sözügedən komanda Albaniya çempionatının 7-ci turu çərçivəsində bu gün “Teuta” ilə qarşılaşıb.
“Eqnatiya” doğma meydanda baş tutan qarşılaşmadan 0:1 hesablı məğlubiyyətlə ayrılıb.
Vüsal bu matça start heyətdə başlayıb və 88-ci dəqiqədə əvəzlənib.
Mövsümdəki ikinci məğlubiyyətinə baxmayaraq, “Eqnatiya” 7 turdan sonra 13 xalla 10 iştirakçı arasında zirvədə qərarlaşıb.
Xatırladaq ki, Vüsal İsgəndərli “Eqnatiya”ya bu yay “Sumqayıt”dan transfer olunub. 27 yaşlı futbolçu Albaniya klubu ilə 3 illik müqavilə bağlayıb. O, sözügedən komandada indiyə qədər 9 oyuna çıxıb, 2 qola imza atıb, 1 məhsuldar ötürmə müəllifi olub.
