Qadın voleybolçular arasında Azərbaycan çempionatında (Yüksək Liqa) 2023/2024 mövsümünün 10-cu turunun proqramı açıqlanıb.
Arena.az xəbər verir ki, bu barədə Azərbaycan Voleybol Federasiyasının mətbuat xidməti məlumat yayıb.
Yüksək Liqada 10-cu turun qarşılaşmaları yanvarın 23-də və 25-də baş tutacaq.
Yanvarın 23-də Gənclər və İdman Nazirliyinin Voleybol Mərkəzində “Murov” və “Gəncə” komandaları üz-üzə gələcəklər. Bu görüş saat 17:00-da start götürəcək.
Turun digər matçı isə “Milli Aviasiya Akademiyası” və UNEC komandaları arasında olacaq. UNEC klubunun idman zalında baş tutacaq bu qarşılaşma saat 18:00-da başlanacaq.
Tura yanvarın 25-də keçiriləcək “Abşeron” – “Azərreyl” matçı ilə yekun vurulacaq. Gənclər və İdman Nazirliyinin Voleybol Mərkəzində təşkil olunacaq oyunun start fiti saat 18:00-da veriləcək.
Qeyd edək ki, bu qarşılaşma ilə Yüksək Liqada 2-ci dövrə başa çatacaq.
Yüksək Liqa
10-cu tur
23 yanvar
17:00. “Murov” – “Gəncə”
18:00. “Milli Aviasiya Akademiyası” – UNEC
25 yanvar
18:00. “Abşeron” – “Azərreyl”
