İtaliyanın “Komo” klubu Yunanıstandan olan hücumçusu Anastasios Duvikas ilə müqavilənin müddətini 2031-ci ilə qədər uzadıb.
Arena.az xəbər verir ki, bu barədə A Seriyası təmsilçisinin mətbuat xidməti məlumat yayıb.
Yunan hücumçu 2024/2025-ci illər mövsümünün qış transfer pəncərəsində “Komo”ya qoşulub. O, indiyədək bu komandanın heyətində bütün turnirlər nəzərə alınmaqla 69 oyuna çıxıb, 27 qol vurub və 5 məhsuldar ötürmə verib.
Anastasios Duvikas ötən mövsüm A Seriyasında 14 qolla bombardirlər yarışını ikinci pillədə başa vurub. O, cari mövsümdə UEFA Çempionlar Liqasının Liqa mərhələsinin ilk üç turunun hər birində fərqlənib. Bu, həm futbolçunun, həm də “Komo”nun turnirdə debüt mövsümüdür.
Müqavilənin uzadılması ilə bağlı danışan Duvikas klubda qalmaqdan məmnun olduğunu bildirib:
“Komo”da yoluma davam etdiyim üçün çox xoşbəxtəm. İlk gündən özümü evimdəki kimi hiss etmişəm və klubun iddialarını dərhal görmüşəm. Sesk Fabreqas və onun məşqçilər heyətinin sayəsində burada çox inkişaf etmişəm. Bu kollektiv mənim üçün böyük ailə kimidir. Əlimdən gələni edərək komandaya kömək etməyə davam etmək istəyirəm”.
“Komo”nun baş məşqçisi Sesk Fabreqas da hücumçunun yeni müqaviləsini şərh edib:
“Tasos “Komo”ya gəldiyi ilk gündən güclü xarakter nümayiş etdirib və bu, onun meydandakı çıxışlarında da öz əksini tapıb. O, həmişə pozitivdir, böyük ambisiyalara malikdir və əla iş etikası ilə seçilir. Onunla müqavilənin uzadıldığını elan etməkdən məmnunuq”.
