Martın 16-da Səudiyyə Ərəbistanı Peşəkar Liqasının 24-cü turunda “Damak”a qarşı ev oyunu “Əl-Hilal” üçün əlamətdar olub.
Arena.az məlumat verir ki, sözügedən komanda bu oyunda 2:1 hesablı qələbə qazanmaqla özünə məxsus olan ardıcıl 28 oyunluq qələbə silsiləsini yeniləyib.
İndi “Əl-Hilal”ın hesabında bütün yarışlar çərçivəsində keçirdiyi oyunlarda qazanılmış 29 qələbə var. Üstəlik, bu, komandanın milli çempionat çərçivəsində ardıcıl 17-ci qələbəsi kimi əlamətdar olub.
Hazırda “Əl-Hilal” 68 xalla Səudiyyə Ərəbistanı Peşəkar Liqasının yarış cədvəlinə başçılıq edir.
Vurğulayaq ki, Səudiyyə Ərəbistanı nəhənginin müvafiq rekord silsiləsini bacardıqca uzatmaq imkanı var. Bunun üçün komandaya qələbələri mümkün qədər sıralamaq kifayətdir.
