Futbol üzrə Azərbaycan millisinin yarımmüdafiəçisi Ozan Can Kökçü Türkiyənin “Vanspor” komandasında növbəti matçına çıxıb.
Arena.az xəbər verir ki, sözügedən komanda 2026/2027-ci illər mövsümünün 9-cu turu çərçivəsində evdə “Bandırmaspor” ilə qarşılaşıb.
Kökçü 0:2 hesabıyla məğlub olduqları bu görüşə start heyətdə başlayıb, 76-cı dəqiqədə əvəzlənib.
9 turdan sonra 4 xalı olan “Vanspor” 20 iştirakçı arasında 16-cı pillədə qərarlaşıb. Sözügedən komanda keçirdiyi 9 oyunda 1 qələbə qazanıb, 3 heç-heçə edib, 5 məğlubiyyətə üzülüb. Komandanın 2 xalı da silinib.
Xatırladaq ki, Özan Can Kökçü “Vanspor”a bu yay Niderlandın “Volendam” klubundan keçib. O, Türkiyə klubunun heyətində 5 oyuna çıxıb, 1 qol və 1 məhsuldar ötürmə ilə yadda qalıb.
Ozan daha öncə Niderlandda “Eyndhoven”, “Valveyk” və “Telstar”ın, Türkiyədə “Bursaspor” və “Girəsunspor”un, Azərbaycanda “Sabah”ın da uğurları üçün çalışıb. Azərbaycanın U-20 və U-21 yığmalarının formasını geyinmiş futbolçu 2022-ci ildən əsas millimizə dəvət alır. O, Azərbaycan milli komandasının heyətində 14 oyuna çıxıb, 2 məhsuldar ötürmə müəllifi olub.
