Bu gün futbol üzrə UEFA Çempionlar Liqasında 2023/2024 mövsümünün yarımfinal mərhələsinin ilk görüşlərinə yekun vurulub.
Arena.az xəbər verir ki, ikinci oyun günündə də bir qarşılaşma baş tutub.
İlk yarımfinal görüşü kimi, bugünkü qarşılaşma da Almaniyada baş tutub. Belə ki, Almaniyanın “Borussiya” (Dortmund) komandası doğma meydanda Fransa təmsilçisi PSJ-ni sınağa çəkib.
Hər iki kollektiv 1/4 finalda İspaniya təmsilçilərini mübarizədən kənarlaşdırıb. Dortmund klubu “Atletiko”dan (Madrid), fransızlar isə “Barselona”dan güclü olublar.
“Siqnal İduna Park”da keçirilən “Borussiya” – PSJ matçının taleyini bir qol həll edib. Meydan sahibləri elə ilk yarıda vurduqları bir qolla bu matçı qalib başa vurublar.
Tərəflər cütün taleyinə mayın 7-də Parisdə keçiriləcək cavab matçında aydınlıq gətirəcəklər.
Xatırladaq ki, UEFA Çempionlar Liqasında yarımfinal mərhələsinin ilk matçı Almaniya və İspaniya nəhəngləri – “Bayern” və “Real” (Madrid) arasında baş tutub və “sülh”lə bitib – 2:2.
UEFA Çempionlar Liqası
Yarımfinalın ilk oyunu
1 may
“Borussiya” (Dortmund, Almaniya) – PSJ (Fransa) 1:0
Qol: Niklas Fullkruq, 36.
Baş hakim: Entoni Teylor (İngiltərə).
Dortmund, “Siqnal İduna Park” stadionu.
Borussiya: Qreqor Kobel, Niko Şlotterbek, Mats Hummels, Yan Matsen, Yulian Ryerson (Marius Volf, 87), Emre Can, Marsel Zabitser, Yulian Brandt (Feliks Nmeça, 87), Ceydon Sanço, Kərim Adeyemi (Marko Roys, 82), Niklas Fullkruq (Yussufa Mukoko, 90).
Ehtiyat oyunçular: Aleksander Mayer, Marsel Lotka, Niklas Sule, Ceymi Bayno-Gittens, Kyel Vatyen, Salih Özcan, Sebastyan Haller, Doniell Malen.
Baş məşqçi: Edin Terziç.
PSJ: Canluici Donnarumma, Əşrəf Hakimi, Markinyos, Lukas Ernandes (Lukas Beraldo, 41), Nuno Mendes, Uorren Zair-Emeri, Vitinya, Fabian Ruis, Usman Dembele, Kilian Mbappe, Bredli Barkola (Rendal Kolo Muani, 65).
Ehtiyat oyunçular: Keylor Navas, Arnau Tenas, Nordi Mukiele, Milan Şkrinyar, Li Kan İn, Danilo Pereyra, Manuel Uqarte, Marko Asensio, Karlos Soler, Qonsalo Ramos.
Baş məşqçi: Luis Enrike.
