“Real” dünya futbol brendlərinin reytinqini təqdim etmiş “Brand Finance” konsaltinq şirkəti tərəfindən ən bahalı futbol brendi kimi tanınıb.
Arena.az məlumat verir ki, İspaniya nəhənginin dəyəri keçən illə müqayisədə 16% artıb.
Hazırda “Real” 1,685 milyard avro məbləğində qiymətləndirilir.
Ötən il 1,611 milyard avro məbləğində qiymətləndirilərək siyahıda 1-ci olmuş “Mançester Siti” indi 2-ci pillədə qərarlaşıb.
İlk üçlüyü isə “Barselona” qapayır, “blauqrana”nın dəyəri 1,542 milyard avro məbləğindədir.
Siyahıda müvafiq olaraq 4-cü və 5-ci yerlərdə “Mançester Yunayted” (1,398 milyard avro) və “Liverpul” (1,380 milyard avro) qərarlaşıblar. 6-cı yerdə “Bayern” (1,236 milyard avro), 7-ci yerdə PSJ (1,208 milyard avro), 8-ci yerdə “Arsenal” (996 milyon avro) yer alıblar. “Tottenhem” (868 milyon avro) və “Çelsi” (838 milyon avro) isə ən bahalı futbol brendlərinin ilk onluğunu tamamlayırlar.
