Bu gün futbol üzrə Avropa Konfrans Liqasında 2024/2025 mövsümünün 2-ci təsnifat mərhələsinin ilk oyunlarına yekun vurulub.
Arena.az xəbər verir ki, iyulun 23-də start götürən mərhələnin üçüncü günündə 40 qarşılaşma baş tutub.
Azərbaycanın üç klubu bu turnirdə ilk qarşılaşmasına çıxıb. “Sabah” Hayfa “Makkabi”sini, “Zirə” “Dunayska Streda”nı böyük məğlub edib. “Sumqayıt” isə doğma meydanda “Fehervar”a uduzub.
Günün ən məhsuldar matçında “Hakken” səfərdə “Düdelanj”a 6:2 hesabı ilə qalib gəlib. Təmsilçilərimizin potensial rəqibləri də ilk duellərinə çıxıblar. “Sent Patriks” (İrlandiya) “Vaduts”a (Lixtenşteyn) (3:1), “Osiyek” (Xorvatiya) “Levadiya”ya (Estoniya) (5:1), “Omoniya” (Kipr) isə “Torpedo”ya (Gürcüstan) (3:1) qalib gəlib.
Türkiyə təmsilçisi “Başakşəhər” doğma meydanda qarşılaşdığı “La Fiorita”nı biabırçı hesabla məğlub edib.
Qeyd edək ki, Avropa Konfrans Liqasında 2-ci təsnifat mərhələsinin cavab oyunları iyulun 30-dan avqustun 1-dək keçiriləcək.
Avropa Konfrans Liqası
2-ci təsnifat mərhələsinin ilk oyunları
25 iyul
“KuPS” (Finlandiya) – “Tromse” (Norveç) 0:1
“İberiya” (Gürcüstan) – “Partizani” (Albaniya) 2:0
“Maqpies” (Cəbəllüttariq) – “Kopenhagen” (Danimarka) 0:3
“Sumqayıt” (Azərbaycan) – “Fehervar” (Macarıstan) 1:2
“İlves” (Finlandiya) – “Austriya” (Vyana, Avstriya) 2:1
“Mlada Boleslav” (Çexiya) – “Transinvest” (Litva) 2:0
“Noah” (Ermənistan) – “Slima Uonderers” (Malta) 7:0
“Milsami” (Moldova) – “Astana” (Qazaxıstan) 1:1
“Jalgiris” (Litva) – “Pafos” (Kipr) 2:1
“Qo Ehed İqls” (Niderland) – “Brann” (Norveç) 0:0
“Omoniya” (Kipr) – “Torpedo” (Kutaisi, Gürcüstan) 3:1
“Zirə” (Azərbaycan) – “Dunayska Streda” (Slovakiya) 4:0
“Zimbru” (Moldova) – “Ararat” (Ermənistan) 0:3
“Banik” (Çexiya) – “Urartu” (Ermənistan) 5:1
“Brondbü” (Danimarka) – “Lapi” (Kosovo) 6:0
“Yurqorden” (İsveç) – “Proqres” (Lüksemburq) 3:0
“Düdelanj” (Lüksemburq) – “Hakken” (İsveç) 2:6
“Sürix” (İsveçrə) – “Şelburn” (İrlandiya) 3:0
“Floriana” (Malta) – “Vitoriya Gimaraynş” (Portuqaliya) 0:1
“Hapoel” (Beer Şeva, İsrail) – “Çerno More” (Bolqarıstan) 0:0
“Olimpiya” (Sloveniya) – “Polesye” (Ukrayna) 2:0
“Makkabi” (Hayfa, İsrail) – “Sabah” (Azərbaycan) 0:3
ÇFR (Rumıniya) – “Neman” (Belarus) 0:0
ÇSKA 1948 (Bolqarıstan) – “Buduçnost” (Monteneqro) 1:0
“Başakşəhər” (Türkiyə) – “La Fiorita” (San Marino) 6:1
“Gent” (Belçika) – “Vikinqur” (Farer adaları) 4:1
“Radniçki” (Serbiya) – “Mornar” (Monteneqro) 1:0
“Paks” (Macarıstan) – AEK (Larnaka, Kipr) 3:0
“Sankt Qallen” (İsveçrə) – “Tobol” (Qazaxıstan) 4:1
“Osiyek” (Xorvatiya) – “Levadiya” (Estoniya) 5:1
“Maribor” (Sloveniya) – “Univestatya” (Krayova, Rumıniya) – 2:0
“Legiya” (Polşa) – “Kaernarfon” (Uels) 6:0
“Sent Patriks” (İrlandiya) – “Vaduts” (Lixtenşteyn) 3:1
“Valyur” (İslandiya) – “Sent Mirren” (Şotlandiya) 0:0
“Sarayevo” (Bosniya və Herseqovina) – “Spartak” (Trnava, Slovakiya) 0:0
“Vikinqur” (İslandiya) – “Eqnatiya” (Albaniya) 0:1
“Hayduk” (Split, Xorvatiya) – “HB Torshavn” (Farer adaları) 2:0
“Zrinski” (Bosniya və Herseqovina) – “Bravo” (Sloveniya) 0:1
“Styarnan” (İslandiya) – “Payde” (Estoniya) 2:1
“Breydablik” (İslandiya) – “Drita” (Kosovo) 1:2
